Уште реформи во здравството, кај Тодоров заминуваат и парите од алкохолот

Како што пресметал министерот за здравство Никола Тодоров, од алкохолот годишно, во неговото министерство ќе се слеат по пет милиони евра. Овие пари, појаснува Тодоров, ќе се користат за мајки,за  новороденчиња и за други превентивни програми во министерството. Инаку оваа новина е содржана во измените на Законот за здравствена заштита кои поминаа на Собрание и кои во сила влегуваат на 13-ти јули. Со измените исто така хирурзите сами ќе можат да го одредат датумот на операција во договор со пациентот, а директорот на установата ќе го одредува времето на операцијата со или без компликации. Секој матичен лекар задолжително треба да испрати до Јавните здравствени установи термини кои ќе ги резервира за своите пациенти, а  директорот на установата ќе направи список на термините и ќе ги истакне на јавно место. Ако пак лекарот работи како консултант во приватна здравствена установа спротивно на законот, нему ќе му биде одземена лиценцата за работа Тодоров најави дека без конкурс ќе ги врати во државниот сектор, ако сакаат, сите специјалисти кои во меѓувреме заминале да работат во приватните установи.