Нови услови за плаќање на “Паркинзи Центар”

Добивај вести на Viber

Јавното претпријатие “Паркинзи Центар” воведе неколку поволности во однос на плаќањето за паркиралиштата што се под надлежност на ова претпријатие. Под мотото „Сега за прв пат,  повикај гостин и уживај! Пријателите пред се!, денеска беше промивирана гостинската карта и бизнис гостинската карта за паркирање. -Со оваа гостинска карта, сите жители на Општина Центар промотивно во месец март, можат на своите гости на сите паркинзи на ПОЦ, да им овозможат бесплатно паркирање во времетраење од 30 часа, со тоа што секој искористен час го пријавувате на телефонскиот број 072/ 251 251. Исто така, сите правни субјекти на територија на Општина Центар, за своите редовни гости и соработници, можат да ја активираат бизнис гостинската карта, со која првите 10 активации се гратис, промотивно во месец март. Од сега па натаму, корисниците на ЈП ПОЦ ќе можат, наместо само 10 минути, да се задружуваат еден час бесплатно на сите наши паркиралишта. Со ова упатуваме јасна порака дека ЈП ПОЦ се грижи за потребите на граѓаните-изјави Маргарита Бакев, директор на ЈП “Паркинзи Центар”. Гостинската карта е тип на паркинг карта, наменета за станарите-корисници на услугите на ЈП ПОЦ, кои можат да ја користат оваа карта за да им обезбедат паркинг место на своите гости, и важи цел месец, а може да се искористат најмногу 30 часа во месецот. Има  4 пакети, а станарите си го одбираат пакетот кој  најмногу им одговара:

Пакет од 5ч месечно	100ден
Пакет од 10ч месечно	150ден
Пакет од 20ч месечно	250ден
Пакет од 30ч месечно	300ден

Оваа карта се активира, со едно јавување на телефонскиот број 072/251 251, односно пред доаѓањето на гостинот кој доаѓа со свое возило, се јавувате на бројот, го кажувате регистарскиот број на возилото на вашиот гостин и времето на неговото задржување. Картата може да се користи за повеќе возила во исто време.          Бизнис гостинската карта е наменета за сите сопственици на ресторани, кафеани,  хотели, фризерски салони, козметички студија, берберници, адвокатски канцеларии и фирми  сместени во општината Центар. За активација на бизнис гостинската карта, станарот треба да поседува М-карта. Во зона 1 час паркирање  изнесува  35 денари,  во зона 2 паркирањето чини 25 денари за еден час, а секоја десетта карта е гратис. И оваа карта се активира на истиот број како гостинската карта.