Новиот албум на Боб Дилан за 1000 евра на „eBay“
Објавено во: Мои пари 10 Јануари, 2013
Боб Дилан издаде само 100 копии од неговиот нов албум, но најголемиот дел од нив ги ставил скриени меѓу другите носачи на звук во неколку ексклузивни продавници низ Велика Британија.
Сега британските медиуми коментираат дека „Тоа е како да имате златна влезница во Чарлиевата фабрика за чоколади“. Албумот со четири компакт дискови го сочинуваат 86 песни кои се снимени во живо, но и во студиото во периодот од 1962 до 1963 година. Неговата издавачка куќа Сони се одлучи за ограничен број на примероци со цел да се одбегне губењето на контрола над авторските права.
Сепак дел од примероците веќе завршија на сајтот „eBay“ и засега чинат нешто повеќе од 1.000 евра. Некои предвидуваат дека следните денови, цената дополнително ќе расте.