Новиот Предлог-закон за мобинг чека да минат избори

Добивај вести на Viber

Сојузот на синдикати на Македонија(ССМ) очекува дека веднаш по избори, Собранието да го разгледа и ќе го усвои Предлог- законот за мобинг. Од ССМ информираа дека новиот текст ја разработува целокупната постапка за утврдување на мобинг, но и казните за оние кај кои ќе биде откриен. За мобингот на работното место засега има само еден член како дел од Законот за работни односи. Според претседателот на ССМ, Живко Митревски, ова е недоволно за регулирање наоваа појава. „Членот не беше доволен, бидејќи во него не се дефинирани правата и обврските на работодавачот и работникот во текот на утврдувањето на постапката. Значи, досега не постоеше постапка на кој начин ќе биде утврден мобингот во претпријатието“, изјави Митревски. Тој најави и иницијатива за измени на Законот за работни односи во делот на колективното договарање, така што ќе се бара задолжително спроведување на колективните договори, изработка на комплетни извештаи за спроведувањето на колективните договори и зголемување на санкциите доколку овие договори не се реализираат.