Новиот руски амбасадор во Скопје првото интервју го даде за Спутник: Референдумот е неважечки

Добивај вести на Viber

На ден по референдумот, кој се одржа во Македонија за регионалното преставништво за руската новинска агенција Спутник во Белград специјално интервју наменето само за политичката ситуација во Македонија даде Сергеј Александрович Баздникин, новиот амбасадор на Руската Федерација во Скопје .

"Се разбира, многу внимателно ги следевме курсот и резултатите од референдумот што се одржа во Македонија. Сега е сосема јасно дека македонските гласачи не излегоа затоа што се против решенија што се обидуваат да ги наметнат однадвор. Очигледно е дека огромното мнозинство, речиси две третини од граѓаните не сметаат дека Договорот за Преспа меѓу Грција и Република Македонија е најдобар инструмент за надминување на овие разлики кои постојат околу државното име Македонија.

Факт е дека на референдумот излегоасамо 36,9 отсто од гласачите со право на глас, а на истиот треба учество на 50 отсто плус еден глас, резултатите од гласањето потврдија дека референдумот е неважечки. Русија, како постојана членка на Советот за безбедност на ОН, тесно го следи процесот на решавање на овој проблем, и нашата принципиелна позиција останува непроменета - долгорочно решение може да се најде само кај граѓаните, без наметнување од надвор, строго во рамките на уставно-правниот поредок. Таа мора да се заснова на широка јавна поддршка и мора да се заснова на принципите и нормите зацртани во Повелбата на Обединетите нации.

Ние не излегувавме со никакви јавни изјави во врска со референдумот, за да не се се толкува како обид да се влијае врз исходот. Меѓутоа, нашите западни колеги ја избраа спротивната, така да се каже, линијата на однесување, и јасно е дека тие се обидуваат да се мешаат во внатрешните работи на една суверена држава. Во септември ние бевме во можност да видиме пристигнување на голем број на високи државни службеници и функционери од Брисел и Вашингтон во Скопје, кои се многу отворени, со голем напор, да ги убедат македонските граѓани да се изјаснат позитивно на овој референдум.

Ние веруваме дека, во секој случај, многу македонски политички и општествени сили, вклучувајќи го и претседателот на Република Македонија, не го прифаќаат Договорот од Преспа и зборуваа против референдумот, бидејќи сметаат дека тоа е грубо кршење на Уставот и законот на земјата. Во врска со тоа, тие имаат забелешки дека референдумското прашање се состои од три дела - вклучува три теми кои во принцип не треба да се поврзани една со друга. Во секој случај, ние сметаме дека референдумот што се одржа на 30 септември е внатрешна работа на Македонија, а ние во Русија го почитуваме размислувањето на граѓаните на Република Македонија. Луѓето реагираа убаво и отворено ".

Се појавија бројни статии за "руско мешање." И не само тоа, дури и министерот за одбрана на САД, Џејмс Матис, тука во Скопје изјави дека Руската Федерација се меша во референдумот. Како го коментирате тоа?

- Тоа сакав да го знам. Во неколку наврати побарав од своите соговорници тука дали постои било каков доказ за наводното попречување од страна на Руската Федерација во процесот на одржување на референдум. Слушавме такви работи пред референдумот, дури и денес, кога референдумот веќе се одржа. Овие приказни се повторуваат и денес, и во понеделникот, од страна на некои официјални лица во Европскиот парламент, и така натаму. Се разбира, нема докази за тоа, од едноставна причина - нема. Не мора да правиме работи во кои нашите западни колеги се ногу искусни.

Како Руската Федерација гледа на можното членство на Македонија во Северноатлантската алијанса?

- Сметам дека суверен избор на која било држава е да донесува одлуки во врска со нејзината надворешно-политичка ориентација, а од тоа не е изземена ниту Македонија. Сепак, ние во суштина сме против проширувањето на Северноатлантската алијанса, вклучувајќи го и балканскиот регион и Македонија. НАТО е воен-политички сојузник чии цели кон Руската Федерација се исклучително добро познати. Не веруваме дека проширувањето на Алијансата ќе придонесе за стабилноста и безбедноста на Балканот, за што се зборува многу. Во секој случај, ако дојде до членство на Македонија во НАТО, тоа природно ќе влијае на односите меѓу Руската Федерација и Република Македонија. Но, засега не мислам дека тоа ќе би се случило.

Како Руската Федерација гледа на понатамошна соработка со Република Македонија?

- Имаме сеопфатна соработка во многу области - и на политичко ниво, во трговско-економската сфера, и во однос на културните и хуманитарните врски. Дипломатски односи имаме воспоставено пред речиси 25 години, а следната година ќе се прослави 25-годишнината од воспоставувањето на дипломатските односи меѓу Руската Федерација и Република Македонија. Верувам, соработката е добра, но неговиот потенцијал се уште не е целосно искористен и моја главна задача како амбасадор на Руската Федерација во Република Македонија е да увидам каде може да има проширување на соработката во нови области, кои, убеден сум, ќе одговараат на основните интереси на народите на Руската Федерација и на Народна Република Македонија.

Како гледате на соработката меѓу Русија и Македонија во енергетската сфера? Дали Македонија е заинтересирана за соработка со Руската Федерација ако зборуваме за гас што доаѓа од турскиот тек?

- Мислам дека тоа е прашање што треба да се остави како избор пред сè, на претставниците на Република Македонија. Што се однесува до нас, ние сме подготвени и отворени за секоја соработка што за која се заинтересирани нашите партнери, вклучувајќи ја и Република Македонија. Сакаме активно и креативно да работиме тука до степен до кој нашите македонски пријатели се подготвени за тоа. Ова вклучува соработка во енергетската сфера. Имаме можности во енергетската сфера што сме подготвени да им ги понудиме на нашите партнери и мислам дека одговара на нивните интереси. Сепак, да повториме, нема да наметнеме ништо, бидејќи никогаш ништо не наметнуваме.