Добивај вести на Viber
Американскиот претседател Барак Обама за цели 25% ги зголеми минималните плати за стотици илјади Американци со директна извршна одлука, за кој не е потребно одобрение од Конгресот.
Со одлуката, од 1 јануари 2015 година минималната плата во државните претпријатија во САД ќе изнесува 10,10 долари на час , што е за речиси три долари повеќе од сегашните 7,25 долари кои не се зголемени од 2009 година.
Обама побара од Конгресот да го направи истото за сите работници во земјата. Меѓутоа, републиканците, кои се мнозинство во Претставничкиот дом, веќе се изјаснија против зголемувањето на минималната плата, бидејќи според нив тоа ќе го запре економскиот раст.
„Оваа мерка нема да се одрази негативно на економијата, туку напротив ќе ја стимулира“, нагласи американскиот претседател.
Оваа мерка тој ја најави уште во годишното редовно обраќање пред Конгресот, познато како „говор за состојбата на Унијата“.