Објавени два јавни повика за Програмата за рурален развој
Објавено во: Агробизнис 08 Август, 2017 15:24
Денеска Агенцијата за финансиска поддршка во земјоделството и руралниот развој во координација со Министерството за земјоделство, шумарство и водостопанство, објави два јавни повика за Програмата за рурален развој. Двата јавни повика произлегоа од последната одлука на седницата на Владата одржана на 03.08.2017 година за измени на Програмата за рурален развој.
Едниот јавен повик е за доставување на барања за користење на финансиска поддршка од 10.000 евра неповратни средства за млад земјоделец, но со нови променети критериуми за аплицирање. На седницата што се одржа на 03.08.2017 година Владата донесе одлука за измена на Програмата за рурален развој токму во делот на мерката за „Помош на млади земјоделци за започнување на земјоделска дејност“. Станува збор за нови променети критериуми кои ќе помогнат средствата да завршат кај вистински земјоделци.
Вториот јавен повик е за финансиска поддршка за подигање на повеќегодишни овошни и лозови насади и за набавка на приплоден добиток. Со оглед на тоа што рокот од 29 февруари воопшто не бил објавен, со измените во овој оглас кои ги донесе Владата, им се излегува во пресрет на земјоделците кои извршиле есенско подигање во 2016 година и на оние кои извршиле пролетно подигање во 2017 година. Сите кои подигнале насади ќе можат да поднесуват барања за исплата до 1-ви септември.
Само овие две нови мерки, во согласност со програмата на Владата, ќе овозможат директен трансфер на 6 милиони евра, кои овој пат ќе завршат кај вистинските земјоделци до крајот на годината.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
