Облаци чад од скопска Железарница, ДОМ бара еколошки дозволи

Добивај вести на Viber

Повторно облаци од чад почнаа да излегуваат од кругот на скопската Железарница.Од партијата ДОМ денеска побараа одговор кој го врши загадувањето со чад во Скопје и апелираа државните институции  да не ги прифатат барањата на фирмите за одложување на европските еколошки стандарди.

„Може да се забележи и со голо око во раните утрински и доцните вечерни часови експлозија од прав и гасови кои го трујат населението во Гази Баба, Ченто, Автокоманда, Бутел 1 и 2 и пошироко“, наведе на прес-конференција Златко Јордановски од ДОМ кој воедно е хемиски инжинер.

Тој запраша зошто не се почитуваат еколошките стандарди и побара институциите да не излезат во пресрет на с погласните барањата на компаниите за одложување на роковите за филтри од 2019 година.

„За ДОМ се неприфатливи барањата на мeталургиските комбинати, затоа што во изминатиот период имаше историски највисоки цени на металите, а тие не сакаа да одвојат максимум до 1 процент од својот профит за здравјето на вработените и околното население“, посочија од ДОМ.

Компанијата Макстил ма пример, која се посочува како еден од најголемите загадуваши во округот на Желзарница, уште пред нова година до Министерството за животна средина упати барање за продолжување на роковите за еколошките дозволи до 2019-та година. Тоа го правдаше со намалените нарачки и падот на металургијата последниве години.