ОЧАЈ ИЛИ ЛУДОСТ: Што ја натера младата фоторепортерка да се самозапали во Софија?

Добивај вести на Viber

Семејството на 38-годишната бугарска фоторепортерка Лидија Петрова, која се самозапали пред зградата на Претседателството во Софија вчера, не верува дека таа го направила тоа во момент на лудост, туку дека на потегот била принудена. Нејзината сестра Даниела за медиумите изјавила дека постои секта која ги наведува луѓето да преземат вакви очајнички потези. И мајката Снежана нагласи дека се сомнева оти ќерка и била принудена и дека немала друга причина на овој начин да се обиде да си го одземе животот. „Таа не е способна за такво нешто, не се самозапалила. Не е психички болна. Образована е. Шансите се нула“, изјавила Снежана за медиумите во Софија. Состојбата на Лидија и денеска е критична, со повеќе од 90% длабоки изгореници по целото тело. „Да не си го потрошиш залудно целиот живот, ми изгледа вредно достигнување, барем мене“ - овој цитат на Чарлс Буковски го напишала младата жена на Фејсбук пред да дигне рака на себе. Снимките од безбедносните камери ја покажуваат како со метро стигнала пред зградата на Претседателството во Бугарија, седнала на фонтаната, извадила пластично шише со течност од ранецот, се полеала и потоа се запалила. Со ништо не навела кој е мотивот што ја навел на ваков потег.