ОД ДЕНЕС ГО ТРОШИМЕ ОНА ШТО ГО НЕМАМЕ: Светот влезе во еколошки долг, од вчера живееме на кредит - на сметка на природата
Објавено во: Економија 03 Август, 2024
Од денеска, Земјата е во долгови за животната средина. Тоа значи дека природните ресурси кои се обновуваат годишно се искористени денес, а човештвото моментално ја користи природата 1,7 пати побрзо отколку што може да се обнови, пишува Клима 101.
Имајќи предвид дека годишните ресурси ги искористивме за само седум месеци, остатокот од годината човештвото живее на неодржливи ресурси, исцрпувајќи ја планетата.
Лани еколошкиот долг беше постигнат ден подоцна, на 2 август. Со овогодинешните ресурси исцрпени на 1 август 2024 година, 2022 и 2018 година се приклучуваат како години со најлоши резултати во последните 55 години.
Равенката за пресметување на деновите на еколошки долг се заснова на податоците на Обединетите нации, со делење на расположливиот биокапацитет со еколошкиот отпечаток на населението; тогаш резултатот се множи со бројот на денови во годината, и така го добиваме моментот кога нашата потрошувачка ја надминува количината на биокапацитетот на Земјата од обновливи извори.
Треба да се напомене дека, на пример, уште во 1971 година, планетата влезе во еколошки долг дури на 25 декември, што значи дека пред пет децении Земјата имаше речиси доволно ресурси за да ги задоволи потребите на цивилизацијата и покрај неодржливото производство, но денес ја нема никаде блиску до тоа.
Начинот на кој е можно да се спречи или забави влегувањето во еколошки долг е преку развој на одржлива економија, енергетска транзиција, како и зголемена работа на заштита на постоечките ресурси.
Македонија стана еколошки должна на 14 јули. Што значи дека жителите на Македонија ги потрошиле сите залихи за седум месеци и дека силно живееме на сметка на идните години и идните генерации.
Земјите од регионот кои во текот на 2024 година влегоа во еколошки долг се Словенија (25 април) и Босна и Херцеговина (9 мај). Малку подоцна ни се придружија Хрватска (28 мај), Црна Гора (30 мај) и Србија (28 мај), а Албанија ќе ни се придружи на 23 септември.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НАЈВИСОКИ ПЛАТИ ВО МАКЕДОНИЈА: Кои сектори се на врвот?
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
