Добивај вести на Viber
Од денеска престанува да важи заштитната мерка за условен увоз на пченица. Откако оцени дека пазарот е стабилизиран и дека се надминати сите предизвици кои може да предизвикаат евентуални нарушувања, Владата одлучи да ја укине.
До крајот на првата половина од месецов, се очекува да биде укината и мерката за условен увоз на брашно.
Мерката за условен увоз на пченица беше воведена на 1 јули годинава за да се заштити домашното производство и требаше да важи до 31 декември доколку претходно не се создадат услови за нејзино укинување.
Таа предвидуваше за килограм увезена пченица да се откупат три килограми домашно жито, а за килограм увезено брашно, четири килограми домашна пченица.
По воведувањето на мерката реагираше соседна Србија која во Македонија годишно извезува околу 50.000 тони пченица и до 40.000 тони брашно.