ОД ДНО ДО ВРВ: Порано претурала по контејнери, а денес има фирма со 15 вработени
Објавено во: Финансии 29 Декември, 2017
Зијада Исиќ од Травник, БиХ пред 21 година останала без работа и претурала по контејнери за да го прехрани семејството.
Денес таа е успешна сопственичка на компанија за еко индустриски отпад со 15 вработени.
На местото каде порано имало депонија, денес се наоѓа нејзината фирма која може да биде пример за многумина.
Иако немала претходно знаења во оваа бранша, почнала со работа и успеала да си обезбеди егзистенција.
„Многумина се смееја, но мене не ми беше срам од ништо. Срамота е да крадам, да сум крадец“ - вели Исиќ.
Она што за другите било смет, за неа и нејзиното семејство било капитал.
Денес стакло, пластика, хартија, амбалажа откупува од 17 претпријатија, а 80% извезува во ЕУ.
„Денес е тоа производ број еден кој е баран на европскиот пазар“ - раскажува Исиќ.
Рецептот за успех вели дека е во одговорно и домаќинско работење секој ден и секоја година. Таа и 8-ми март ќе го помине со колегите работејќи.
Исиќ вели дека секој треба да засука ракави пред да кука, а 8-ми март за неа е ден како и секој друг во годината.