Од „лајк“ копче ќе зависи платата и работното место на административците!

Добивај вести на Viber

Со донесување на Новиот закон за администрација, а тоа е некаде во  април, односно мај  следната година, оценката на граѓаните ќе има влијание врз платата на админстрацијата, односно секое стискање на копчето на уредите што го одразува задоволството директно ќе влијае врз месечната плата. Во меѓувреме во сегашните уреди, поради тоа што беа оштетувани од граѓаните, но и од вработени во администрацијата, ќе бидат инсталирани електронски картички со што ќе се избегнат малверзациите “ изјави министерот Иво Ивановски задолжен за администрацијата, на седницата на која министрите за сработеното даваат отчет пред премиерот. Премиерот Никола Гуруевски побара од мнистерот за информатичко општество и да обезбеди информација за тоа до каде е воведувањето на ИСО стандарди во министерствата. Ивановски даде отчет за тоа до колку граѓаните ја користат жалбената постапка во случај кога инситуциите не постапуваат по одредено барање на граѓаните или на фирмите... “Има голем број на постапки што одамна се почнати, дури има постапки за највисоки казни против градоначалници и функционери. Многу значајно е тоа што граѓаните мора да ги запазат роковите за жалба, не треба да се праќаат жалби пред да истечат роковите.  Правиме нов систем во самиот државен инспекторат. Познато е дека  доколку инспекторот не излезе на терен и не одговори на барањето,  тогаш директорот треба да наложи да се направи тоа. Лично и јас имам увид во тоа дали излегуваат на терен и дали тоа го прават селективно. Секој инспектор има и лап топ, ја намалуваме употребата на хартија. Граѓаните има пристап и до министрите или до овластено лице, но ретко доаѓаат поплаки до министри,  најголем дел од поплаките доаѓаат до прво ниво“   рече Иво Ивановски.