Од одмор одете директно во изолација, порачува експерт
Објавено во: Балкан, Корона Вирус 21 Јули, 2021
Четвртиот бран е веќе тука, и затоа од одмор одете директно во изолација, порачува експерт во Словенија.
Шефот на словенечкиот Институт за јавно здравје, Милан Крек, вчера, на прес-конференција предупреди дека новите варијанти на вирусот се раширени во целиот свет и дека делта сојот предизвикува најголема загриженост. Тој вели дека луѓето мора многу внимателно да ги планираат патувањата.
„На сите што сè уште планираат да патуваат на одмор во странство им препорачувам да се вратат најдоцна до 15 август и по враќањето, да заминат во самоизолација и да не контактираат со своите роднини“, вели Крек.
Делта сојот се шири и на Балканот. Највисоки бројки на заразени има во Грција, но загриженост има и во Албанија и Србија.