Одливот на депозити сериозна опасност за Грција
Објавено во: Балкан 06 Февруари, 2015
Одливот на депозити од грчките банки ќе изврши притисок владата да ги ограничи износите на пари кои граѓаните можат да ги подигнат од банките или да ги изнесат од државата. Воведувањето на контрола на капиталот, пак, може да и обезбеди време на владата на Алексис Ципрас да постигне нов договор со „тројката“ кредитори, оценува економистот од центарот за студии на европската политика во Брисел Даниел Грос за американскиот медиум „Блумберг“.
„Контролата на капитаот може да биде единствената опција да се спречи крварење а банкарски систем“, вели Грос во интервјуто за „Блумберг“.
Со одлуката на Европската централна банка (ЕЦБ) да не прифаќа грчките обврзници како обезбедување за заемите на комерцијалните банки, Грција, односно Грчката централна банка е притисната да бара нови итни заеми што ќе ги поскапи финансиските средства во земјата. Грчките банки веројатно изгубија околу 21 миијарди евра преку одлив на депозити во последниве два месеци, што според проценките на ЕЦБ, изнесува околу 11 отсто од вкупните депозити заклучно со ноември минатата година. Повлекувањето на парите е последца на стравувањето дека Грција ќе излезе од еврозоната. И во 2010 година се случи масовно повлекување на депозити во Грција и тогаш банките за 21 месец останаа без 85 милијарди евра депозити, по што следеше и првиот пакет помоч од Европската унија.