Одземени 87 тони вештачко ѓубриво со лош квалитет
Објавено во: Агробизнис 06 Март, 2013
Државниот земјоделски инспекторат одзеде 87 тони увезено вештачко ѓубриво со лош квалитет кое не одговара на декларацијата.
Ѓубривото потекнува од Србија, а увозник е фирма од Велес, информира денеска директорот на Инспекторатот Румен Стаменов. Тој на средба со новинарите предочи дека доколку вештачкото ѓубриво завршеше кај земјоделците, ќе предизвикаше голема економска штета.
- Квалитетот на вештачкото ѓубриво отстапува за 75 отсто. Тоа нема да се уништи, ќе биде употребено во битолската затворска економија. Не е штетно, но поради лошиот квалитет, наместо една, корисникот ќе треба да употребува по три вреќи, рече Стаменов.
Против увозникот ќе биде поднесена пријава до судските органи кои ќе одлучат дали ќе му биде изречена мерка забрана на дејност.
како што информира директорот, Инспекторатот во последните 5-6 месеци ги засили контролите. Освен вештачко ѓубриво, запленети се и средства за заштита, 6.500 литри течност и 2.030 килограми прашкаста материја со сомнителен квалитет.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
