Оглас за раководители на ВМРО-ДПМНЕ
Објавено во: Македонија 02 Ноември, 2018
По оставките на раководителите, ВМРО-ДПМНЕ објави повик за кандидирање на кандидати за претседател на Унијата на жени, како и за претседател на Унијата на млади сили на партијата.
Преку огласите процедурално ќе се изберат нови раководители на местото на Даниела Рангелова и Лука Кржаловски, кои си поднесоа оставки.
Сите заинтересирани, потребната документација за кандидирање може да ја подигнат и да ја поднесат во седиштето на ВМРО-ДПМНЕ во Скопје, секој работен ден од 12 до 17 часот, најдоцна до 15 ноември.
Фракционерите од ВМРО-ДПМНЕ денеска изјавија дека неодамнешните оставки се само фарса да се направи привидно дека партијата е слаба и да загуби на претседателските избори, што пак би било во корист на менување на уставното име.