„Охридска банка“ оствари профит од 2,1 милиони евра лани

Добивај вести на Viber

„Охридска банка“, дел од интернационалната банкарска групација „Сосиете женерал“ 2012 година ја заврши со профит од 2,1 милиони евра, покажуваат податоците од неревидираните биланси објавени на Македонската берза. Профитот на „Охридска банка“ е за речиси три пати поголем во споредба со добивката од 2011 година. Според финансискиот извештај, банката лани лани остварила голем раст кај дадените кредити и кај депозитите. Депозитите пораснале за 20% на вкупно 20,5 милијарди денари  и зголемување од 3,5 милијарди денари споредено со 2011 година. Во делот на кредитите банката лани го зголемила портфолиото за 2 милијарди денари остварила раст од 11%и сега тоа изнесува 15,46 милијарди денари. Билансот покажува дека нето приходот од камати на „Охридска банка“ лани изнесува 535,14 милиони денари односно по тој основ банката лани просечно дневно правела добивка од 23.800 евра. Износот на загубите од оштетени и тешко наплатливи кредити, кај Охридска банка лани има пад од 23 отсто односно 1 милион евра помалку од 2011 година.