ОКТА донираше топла зимскa облека за повеќе од 300 деца

Добивај вести на Viber

Повеќе од 300 деца од посебните училишта  Иднина и Д-р Златан Сремец добија на подарок зимскa облека од компанијата ОКТА.   Новогодишните и божиќните празници со својата претпразнична еуфорија беа инспирација ОКТА повторно да биде заедно со своите штитениците од посебните училишта  Иднина и Д-р Златан Сремец на предновогодишно заедничко дружење. „Новогодишните празници се ближат, а со нив оживува и легендата за Дедо Мраз и желбата да ги израдуваме најмладите со новогодишни подароци. Подарените зимски блузони се навистина нешто неопходно и потребно. Но она што е навистина скапоцено за нив е нашата посета и вниманието. Овие дечиња се со навистина скромни желби, тие посакуваат само топла насмевка и малку среќа, а за возврат ни враќаат со безусловна љубов.“, изјави Радојка Хелман Денковска, менаџер во секторот за корпоративна општествена одговорност во ОКТА. „ОКТА е наш долгогодишен пријател, и со своите предновогодишни посети на децата им ја разубавува предноновогодишната еуфорија. Бескрајно сме им благодарни за посветеноста и за покажаната грижа кон овие дечиња со посебни потреби, а благодарение на нив сега имаме топла облека за студената зима, но и топлина во срцето заради верното пријателство“, изјави Мери Стојкова директорка на ПОУ Д-р Златан Сремец. Рафинеријата ОКТА веќе шеста година по ред, во консултации со наставниот кадар од овие две установи, во предновогодишните празници ги посетува своите штитеници во посебните основни училишта и дава вредни донации за децата.