Оливер Кемпкенс: Македонскиот бизнис треба и може да биде видлив пред светот!

Добивај вести на Viber

Пред една седмица Бизнис академија Смилевски најави дека во Македонија пристигнува Оливер Кемпкенс. Светски познатиот консултант и личноста која е дел од глобалната бизнис елита од 23 до 28 Август ќе престојува во Македонија со цел да го анализира пазарот на високото образование и можностите за негово унапредување во нашата земја. Кемпкенс моментално работи на проект поддржан од руското Министерство за образование за тамошни пет универзитети да станат дел од најпрестижните сто универзитети во светот, a неговото име веќе 12 години се поврзува со брендови како SAP, Francotyp-Postalia Holding, KFCS Group, медиумскиот конгломерат Sky Deutschland GmbH & Co KG и многу други. Тој има и богато образование зад себе и може да се пофали со дипломи од престижните Stanford и Wharton универзитети во САД и од Лондонската бизнис школа- London Business School, која се наоѓа меѓу првите десет високо образовни институции во свет за стекнување вештини и знаења во бизнисот и менаџментот. Фактор ексклузивно разговараше со Оливер Кемпкенс на неколку денa пред неговото доаѓање во Македонија. ФАКТОР: Да го започнеме нашиот разговор со вашите очекувања од Македонија како земја, сте биле ли досега кај нас и што знаете за Македонија? Кемпкенс: Ова е лесно  да се одговори. Не. Никогаш не сум бил во Македонија и сум многу среќен што Бизнис академијата Смилевски организираа се и се потрудија да дојдам кај вас. Секако, досега сум бил неколкупати запознаен со Македонија. Имам една интересна приказна за раскажување. Јас сум голем фудбалски обожавател, навивам за Вердер Бремен, а мој домашен тим е Рот- Вајс- Есен, кој е традиционален тим. Во сезоната 2002/03 Есен играа во третата лига со желба да преминат во втората дивизија, но им недостасуваше играч под број 10 и се одлучија да го откупат играчот од нивните ривали Борислав Томоски, македонски фудбалер, кој тогаш имаше фантастична сезона во Ерцебирге Ауе. Како вистински фудбалски ентузијаст бев мотивиран да разберам повеќе за Борислав и секако за земјата од која што доаѓа: Македонија. Се сеќавам дека читав доста за различните етнички групи кој живеат заедно во Македонија, конфликтот со Грција, дека Македонија долго била под ропство од страната на Отоманската Империја и Бугарија, но читав и за прекрасната флора и фауна во националниот парк Галичица, градот Охрид кој е дел од светското наследство на УНЕСКО, итн. Бев многу возбуден кога започнавме да го планираме моето доаѓање во Македонија и сигурен сум дека имам многу малку пријатели од светот кој ве посетиле, па баш би сакал да станам и туристички промотор на Македонија пред нив. ФАКТОР: Доаѓате на покана на Бизнис академијата Смилевски кои веќе објавија дека ќе ја скенирате и проучите Македонија за проекти кој ќе го подобрат високото образование кај нас. Какви проекти ве интересираат вас лично? Кемпкенс: Во Македонија доаѓам веднаш по посетата на Узбекистан каде што сум на одмор со семејството. Сакав да го почуствувам вкусот на земјата на античкиот Свилен пат, со нивната богата култура. Но секако, каде и да сум се обидувам на кратко да ја скенирам и бизнис страната и можноста за инвестирање во кој било регион или земја. Лично јас ја обожавам технологијата и би сакал да разберам како работат младите технички компании во Македонија и за кој пазари тие се заинтересирани. Сепак ќе започнам да ја набљудувам вашата земја од статус кво. Мислам дека денеска постојат толку претприемачки пазари што повеќе не е потребно да се натпреварувате со земји како САД или Германија за да бидете успешни. Да се вратам на вашето прашање. Сакам да бидам отворен за нови идеи, сакам да научам и да разберам за какви проекти Македонија е заинтересирана и зошто, понатаму ќе продолжиме со откривањето на недостатоците и потребните пазари за инвестирање. ФАКТОР: Моментално работите на проект од руското Министерство за образование и наука со цел пет нивни универзитети да се најдат на листата од 100-те најдобри универзитети во светот. Постојат ли некакви можности за сличен проект да се спроведе во Македонија или можеби вие заедно со Бизнис академија Смилевски планирате нешто комплетно ново? Кемпкенс: Проектот во Руската федерација е инициран од страна на руската Дума. Мојата задача е во соработка со универзитетот Сколково да пренесеме знаења и да ги едуцираме деканите и лидерите за нови форми на соработка или нови начини на создавање на иновација во која централно место има клиентот. Ова е проект кој е од голема важност пред се од институционална страна, но и заради финансиската поддршка која ја има. Сметам дека секоја држава треба да размислува на големо. Русија секако се натпреварува со американските и германските универзитети. Но, не гледам зошто Македонија би го правела тоа. Иако постојат неколку мали земји со добро етаблирани академски системи, како на пример Холандија, а во прилог се и нордиските земји (Данска, Финска, Шведска) кои глобално важат за лидери во образованието за Дизајн и естетика. За Македонија да биде дел од лидерите мора најпрво да се дефинира која е вашата уникатна предност и да станете најдобри во тоа, без разлика дали глобално или во зоната на влијание. Ако зборуваме со Бизнис академија Смилевски, од искуство познавам пријатели кои студираа бизнис и менаџмент во Хрватска но имаа огромни проблеми за нивната диплома да биде признаена и во Германија. Тоа е еден од условите за да го започнете патот до врвот. Од она што јас го знам Бизнис академија Смилевски веќе има и студенти кои со дипломите од БАС работат во Шведска, Австралија и САД. Има многу предизвици, но главното прашање за мене лично е: Како можеме да направиме бизнис академија да биде најдобро рангирана на Балканот? Ова не е предизвик единствено на академијата, туку и на јавната администрација, студентите, јавноста и министерството. Но сепак јас сакам “невозможни“ мисии. ФАКТОР: Вие сте сопственик и генерален менаџер во консултантската куќа “Adapt or Die Ventures” (Адаптирај се или умри), која е мисијата на компанија со така чудно име? Кемпкенс: Мојата компанија е инкубатор за успешен производ. Клиентите работат со нас затоа што ние им помагаме драстично да го намалот ризикот за пропаст користејќи емпатија како двигател на човечки центрираниот развој на производи. Им помагаме иновацијата да заземе корен и потоа целосно да еволуира затоа што знаеме како да го направиме критичниот спој помеѓу она што клиентите купуваат и како вашиот производ да биде препознатлив. За да останеме на врвот веруваме дека проектните менаџери мора да бидат врвно квалификувани консултанти, па затоа инвестираме во тимската едукација и ја поддржуваме нивната акдемска кариера. Adapt or Die има предавачи, но и студенти на следниве универзитети: Stanford University, British School of Design, University of Mannheim, Skolkovo Business School Moscow, University of Applied Sciences- Austria. Клиентите заминуваат задоволни од кај нас со видливи резултати во нивната работа.  Ние успешно ја зголемуваме шансата за пазарна успешност на иновацијата за преку 40 проценти, а еден од нашите клиенти, светскиот магазин Fortune, на својата листа Fortune 500 го измери резултатот од нашата работа и дојдоа до заклучок дека проектите водени од нас на маркетите доживуваат успех во зголемена продажба од 16 до 64 проценти. ФАКТОР: Вие сте и лидери во иновативниот менаџмент, дизајнирано размислување, преговори и уште многу други научни теми за кој предавате насекаде низ светот. Ја гледате ли можноста за вакво предавање да биде одржано во Македонија и дали бизнис климата кај нас е подготвена за големи промени? Кемпкенс: Кратко и јасно: Да. Модерната технологија, иновациите, старт- ап компаниите, се ова се појавува насекаде дури и во најмалите можни локации во светот. Македонија има одлича стратегиска позиција во срцето на Европа која мора паметно да се искористи. Како што имам информации веќе кај вас постојат неколку иницијативи, млади компании и старт- ап компании кои активно работат, покрај нив постојат и брендови како домашни така и странски кои уживаат доверба на пазарот, за визибилност на македонскиот бизнис на глобално ниво чекорот е многу едноставен: обединете ги сите под едно знаме и светот ќе разбере за бизнисот во Македонија. Верувам дека тоа го можете.