ОМД: Македонските лидери со скрстени раце ќе си останат и Бугарите ќе не играат како што сакаат
Објавено во: Македонија 18 Април, 2022
Oд Обединетата Македонска Дијаспора (ОМД) реагираат дека Преспанскиот договор ги отвори портите да не играат како што сакаат и додаваат дека посетата на бугарските политичари Кирил Петков, Илијана Јотова, Теодора Генчовска и Екатерина Захариева е последица на тој договор.
Велат дека властите во Македонија дозволија клуб посветен на Ванчо Михаилов, соработник на Мусолини и Хитлер, во демократска Македонија и дојдоа највисоките бугарски лидери да го отворат во Битола каде започна депортацијата на македонските Евреи за време на Втората светска војна од страна на Бугарските Нацифашистичка армија.
„Во петокот вечер започна Пасех, Еврејскиот верски празник - во саботата се уште им беше верски празник и цела недела. Македонија нема да отвори ништо во Бугарија, да не се лажeме. Македонското малцинство во Бугарија ќе продолжи да биде колатерална штета на некомпетноста на нашата македонска дипломатија на чело со Бујар Османи кој доаѓа од партија која статуи и на нацисоработници поставуваше низ западна Македонија. Македонските лидери со скрстени раце ќе си останат и Бугарите ќе не играат како што сакаат, и ни ЕУ нема да не прими. А ние на социјални мрежи ќе се жалиме и ништо нема да правиме како и обично. Но, браво до битолчаните кои излегоа и протестираа!“, додаваат од ОМД.
Не запираат реакциите по отворањето на бугарскиот културен клуб што го носи името на Ванчо Михајлов. Од Еврејската заедница во Македонија истакнаа дека клубот е именуван по соработник на Хитлер и според нив, овој чин не е во духот на добрососедските односи. Од ВМРО-ДПМНЕ порача Македонски културни клубови Бугарија да отвори во Сандански, Софија, Благоевград ако навистина се залага за добрососедство. Бгарските политичари беа во посета на Битола и Охрид викендов.
фото Фејсбук