ОНЕ со континуиран раст во работењето

Добивај вести на Viber

Групацијата Телеком Словеније го објави финансискиот извештај за првиот квартал од 2013 година. Во првиот квартал од годината Групацијата генерирала 190,5 милиони приходи, што заедно со другите финансиски индикатори е во линија со планираните вредности, а споредено со останатите оператори во Европа, Групацијата Телеком Словеније е меѓу компаниите кои најуспешно се справуваат со негативните трендови. Телекомуникацискиот оператор ОНЕ во своето работење забележува значително подобрени резултати. Зголемувањето на претплатничката база допринесе во подобрување на финансиските резултати што претставува  континуитетот за последните периоди.  ОНЕ бележи раст на корисничката база и тоа, бројот на претплатници на броуд бенд интернет и мобилна телефонија во однос на истиот период лани е зголемен за 4%, а во фиксната телефонија, за 2%.  Во првиот квартал ОНЕ обезбеди континуиран раст на приходите, што изразено во бројки изнесува цели  14% во однос на истиот период лани, достигнувајќи скоро 19 милиони евра. Добивката пред камати, оданочување, депрецијација и амортизација (ЕБИДТА) достигна 3,5 милиони евра што споредено со истиот период лани изнесува  цели 126% зголемување. Добивката пред камати и оданочување или оперативната добивка (ЕБИТ) е под нулата, што во однос на минатата година е подобрување од цели 2,2 милиони евра. Споредено со првиот квартал минатата година, нето загубата е намалена на само 650 илјади евра. „Задоволни сме од резултатите од првиот квартал од годинава кои се доказ дека ОНЕ неуморно работи на постигнување на компаниските и целите на Групацијата и доказ дека корисниците, при изборот на оператор,  го препознаваат ОНЕ како сигурен телеком партнерж,“ коментира Главниот извршен директор на ОНЕ, Цирил Кафол. Согласно позитивните резултати на Групацијата, 190,5 милиони евра приходи, нешто помалку од 63 милиони евра (ЕБИДТА), 20,3 милиони (ЕБИТ) и 14,5 милиони нето профит Групацијата Телеком Словеније, споредено со останатите телекоми во Европа, се вбројува помеѓу компаниите кои најуспешно се справуваат со, генерално, негативните трендови.