Општина Битола ја усвои програмата за изработување урбанистички планови во 2013 година

Добивај вести на Viber

Советот на општина Битола ја усвои Годишната програмата за изработка на урбанистички планови со која се опфатени  генерален урбанистички план, детален урбанистички план, урбанистички план за село, урбанистички план вон населено место, како и урбанистичко планска документација за туристичка развојна зона и автокамп. Изработката на генерален урбанистички план за градот е планирана на опфат од 2.500 хектари, како и неколку парцијални промени во рамките на  Генералниот урбанистички план. - Во текот на годината ќе бидат завршени почнатите урбанистички планови во урбаниот дел на градот, а исто така ќе бидат изработени урбанистички планови за селата Брусник, Ниже Поле, Буково, Крклино, Поешево, Маловишта, Карамани, Трн и Ореово. Со програмата предвидени се локални урбанистички плански документации за стопански комплекс во катастарската област „Ореј“ кај селото Дихово, објект со намена за лесна незагадувачка индустрија во Нижо Поле, фотоволтаични централи со капацитет од 1 мегават во селото Егри и други барања на граѓаните, информираат од општина Битола. Во Програмата за изработка на урбанистички планови за 2013 година овозможена е изработка на планска документација за туристичко развојни зони и автокампови, елаборати за стратешка оценка на влијанието врз животната средина, изработка на заштитно конзерваторски основи и на ажурирани геодетски подлоги. Финансирањето на урбанистички планови од Програмата ќе се врши од буџетот на општината и инвеститори, како и од национални институции надлежни за оваа област и согласно Законот за просторно и урбанистичко планирање.