Општина Карпош: За нелегалното градење верски објект во Злокуќани инспекторатот одреди 15 дена за доброволно отстранување
Објавено во: Македонија 10 Јануари, 2022
Од Општина Карпош велат дека во врска со нелегалното градење верски објект во населбата Злокуќани, во саботата (8 јануари 2022 година) инспекциската служба на Општина Карпош излезе на терен.
„Во моментот кога е извршена контролата не се вршени градежни дејствија. Инспекторатот одреди 15 дена рок за доброволно отстранување на нелегалниот објект и ги повика одговорните лица на средба во општината денеска во 9.30 часот, но истите до сега не се дојдени. Во случај да не биде доброволно отстранет објектот во предвидениот рок, случајот ќе биде пријавен и во државниот инспекторат за градежништво и урбанизам“, соопштија од Општина Карпош.