Општина Охрид бара поништување на договорот за закуп на паркинзите во градот
Објавено во: Мои пари 10 Мај, 2013 14:02
Договорот за закуп на паркинзите во општина Охрид содржи низа правни недостатоци и може да биде раскинат, се наведува во заклучоците на посебната Комисија што беше формирана на барање на градоначалникот Никола Бакрачески.
Бакрачески на денешната седница на Советот на општината презентирајќи ги заклучоците на Комисијата истакна дека тоа може да биде сторено по основ неисполнување на обврските од страна на закупецот, меѓу кои обврската да превземе 12 вработени од закуподавецот ЈП „Билјанини Извори“ – Охрид на неопределено време и за цело времетраење на договорот.
Истовремено став на Комисијата е дека покрај констатираните недостатоци при изготвување на актите и при спроведување на самата постапка, недоволно и непрецизно е определен и предметот на Договорот за закуп на паркинг-просторите, со мислење дека може да се поведе судска постапка за утврдување на ништовност или поништување на Договорот за закуп на паркинг-просторите.
- Таквото мислење Комисијата го изразува и врз основа на фактот што Комисијата за спроведување на постапката за давање под краткотраен закуп донела решение со кое ја поништува постапката и сите дејствија преземени во врска со истата се сметаат за ништовни и не произведуваат правно дејство, стои меѓу другото во заклучокот на Општинската комисија претставен пред Советот.
Претходната локална самоуправа склучи два договори за отстапување на паркинг-просторот во поширокото централно градско подрачје во Охрид. Новата локална власт тие договори ги оспори, со забелешка дека се донесени под сомнителни окопности, а на штета како на општинскиот буџет, така и на самите граѓани на Охрид.
Инаку, од компанијата „Сузуки“ што се јавува како закупец оценуваат дека сите активности што ги спроведуваат и дејноста што ја вршат се согласно договорите, за што како надомест на општината и плаќаат средства во висина од околу 550 илјади денари месечно.
Во моментов во Охрид има се помалку места за паркирање, оттаму што закупецот секојдневно ги проширува зоните каде паркирањето е можно само со наплата од 50 денари за час. Закупецот тврди дека согласно двата договори што ги имаат склучено со Општина Охрид се уште не се искористени сите паркиг-места што им се дадени на стопанисување односно под закуп.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Пакомак најави отворање на нов погон за секундарно селектирање на отпадот, каков што нема никаде на Балканот
Халкбанк со донација на компјутерска опрема ја зајакнува дигиталната настава во ДУЦОР „Партенија Зографски“
Стопанска банка финансиски ќе поддржи нови 16 инклузивни проекти како дел од седмото издание на „Сонуваме.Менуваме“
ВИДЕОЛОТАРИЈА КАСИНОС АВСТРИЈА – ПОДДРЖУВАЧ НА КУЛТУРАТА: ШЕХЕРЕЗАДА ВО МОБ
Каде ќе бидеш ти кога ќе се решава најинтензивната F1 сезона досега?
Постепено месечно вложување: најлесен начин да ги остварите вашите цели
Business for Business форум 2025 - Комерцијална банка ги спои иновациите со успешните бизнис приказни
АмЧам избра нови членови во Одборот на Директори и го прослави 25 годишниот јубилеј
