Општина Струмица дава грантови за граѓанските здруженијата

Добивај вести на Viber

За поддршка на граѓанските здруженија во општина Струмица годинава се одвоени 2,6 милиони денари. Јавниот повик за прибирање проекти од областа на локален економски развој, социјална заштита, култура, образование, заштита и унапредување на животната средина, млади и младински  политики треба да биде објавен веднаш по Велигденските празници и ќе трае 10 дена . Финансиската поддршка од општината е дефинирана како мали грантови во висина до 120 илјади денари. „Со  програмата G1 поддршка на ЛЕР,  има планирано два милиони денари кои ги става на располагање на здруженијата на граѓани заради реализација на проекти од областа на  локалниот економски развој вклучувајќи ги и културата, образованието, здравството и други проекти кои се однесуваат на локалниот економски развој во општина Струмица. Исто така и во  програмата V2, програма за социјална заштита, има проектирано 600 илјади денари за здруженијата на граѓани кои работат на социјалната заштита. Намерата ни е општина Струмица јавно да ги информира сите здруженија на граѓани и воедно да ги покани додека трае јавниот повик да подготват свои проекти и да ги достават до одделението за Локален економски развој и во рамките на спроведувањето на процедурата, соодветна комисија ќе ги разгледува и ќе ги поддржи во рамките на утврдениот износ“, информираше Тони Милушев раководител на одделението за Локален економски развој.