Општините кои беа погодени од природни непогоди ќе добијат државна парична помош

Добивај вести на Viber

Македонската влада, на седницата оддржана на 19 ноември годинава, одлучи да одобри средства од резервите за 2013, со цел да им исплати парична помош на општините во висина од 15 отсто од пријавените штети од природните непогоди. Станува збор за вкупна сума од околу 53.5 милиона денари кои се распоредени во четири општини во кои граѓаните до локалните служби пријавиле штети од природните непогоди. Од овие средства, најмногу ќе добие Струмица односно околу 41.5 милиони денари, околу 230.000 се за Кичево, жителите на Кривогаштани ќе добијат околу 10.1 милиони денари и Штип со нешто повеќе од 1.7 милион денари. - Најголем дел од штетите кои штипјани ги претрпеле во Штип и штипско се однесува на 2012 и 2013 година. Во 2012 година, 94 лица пријавија штети, а во 2013 вкупно 134 лица. Ние подготвивме елаборати и истите беа усвоени на седница на Советот. Потоа истите беа испратени на усвојување на Владата. Морам уште еднаш да напоменам дека согласно законската регулатива, овие средства се 15% од вкупната штета, изјави Лазар Соколовски од Општина Штип. Надоместот се однесува на пријавените штети во периодот на 2010, 2011,2012 и 2013 година. Најголем дел од штетите се однесуваат на проблемите кои ги имаа земјоделците со своите различни земјоделски култури.