Отворен ден за заштита на лични податоци при банкарски услуги во Тетово

Добивај вести на Viber

Под мотото „Вашата приватност е сигурна со нас“ Организацијата на потрошувачи на Македонија и Дирекцијата за заштита на личите податоци денеска во Tетово организираа Отворен ден за заштита на личните податоци во делот на банкарските услуги.

Според Златко Јолевски од Организацијата на потрошувачи, целта е да се подигне јавната свест и да се информираат корисниците на банкарските услуги кои лични податоци може да се земаат и користат од банките, а кои не.

- Како пример може да се наведе состојбата на граѓаните постојано да им се бара копија од личната карта при која било трансакција или услуга додека според постојните прописи копија од лична карта треба да се достави само во трансакција на над 5.000 евра или при продолжување односно склучување договор со банката. Исто така, тука е и користењето на личните податоци од друштвата за наплата на долгови што се јавуваат во име на банките да ги потсетат граѓаните доколку доцнат со исплата на кредитот и слично, изјави Јолевски.

Отворените денови се реализираат во соработка со 10 банки и три друштва за наплата на долгови како и Народната банка на Македонија. Покрај Тетово опфатени се уште 5 градови во Македонија, Скопје, Кавадарци, Битола, Охрид и Струмица