Телефонска линија за незадоволни туристи во Охрид

Добивај вести на Viber

Туристите кои престојуваат во Охрид, отсега за сите проблеми кои ги имаат ќе може да се пожалат на посебна телефонска линија. Линијата ќе биде отворена во туристичко-информативниот центар кој што од влезот на Охрид ќе биде преместен во центарот. Како што изјави раководителот на Општинскиот сектор за туризам и локален економски развој Ѓоко Апостолов,  телефонската линија ќе служи за пријавување проблеми од областа на туризмот, но и за други проблеми како на пример такси-превозот, по што службите брзо ќе реагираат. За преместувањето на информативниот центар од влезот во центарот на Охрид, Апостолов вели дека тоа се прави бидејќи увиделе дека во текот на изминатите години сентарот не си ја врши функцијата „Многу ретко некој гостин застануваше таму бидејќи сметаме дека Охрид не е толку голем град по димензии за да имаме такви туристички информативни центри на самиот влез на градот па секој гостин којшто бара информации ќе застане тука. Патникот кој доаѓа со возило за кусо време ќе дојде во градот и тука веќе се соочува со информации кои се од негов интерес. Фрекфенцијата на туристи е најголема во центарот на градот и ние затоа се одлучивме овој информативен центар да го префрлиме тука. Во тек е законската постапка за издавање локациски услови и во најскоро време тој центар ќе биде префрлен во сторигиот центар на градот“, појасни Апостолов.