Ова е хрватското економско чудо!

Добивај вести на Viber

Хум на Сутли, мало место на педесетина километри северозападно од Загреб е вистинско хрватско економско и демографско чудо, пренесува порталот Danas.hr. Жителите на ова место не ги унишитила хрватската приватизација,стапката на невработеност е околу два отсто, наталитетот е висок, а фирмите вработуваат одделенија, се наведува во репортажата на HRT, a пренесува Danas.hr Екипа на HRT во обиколка на Хум на Сутли ја снимила приказната за големото хрватско чудо. Станува збор за мала општина со голема индустрија. Во ова место веке век  и половина се живее од стакло. Стакларата „Стража“ одсекогаш била симбол на ова место и извор на егзистенција. Денес е во рацете на швајцарски газда. „Ветропак Стража“, варботува 607 работници, произведува  три стакларски печки на 11 производни линии, 250 илјади тони стакло или 950 милиони боци годишно. Воз, тегли, па дури тракторите се опремуваат со стаклени производи од Хум. Од производството 70 отсто се извезува, со тоа што 80 отсто од извозот завршува на просториите на поранешна Југославија. Но ова не е едниствениот стакларски гигант од ова место, овде е и „OMCO“, кој по реорганизацијата во 1990-та година се одвоил од „Стража“. Малку е познато дека секоја десета боца во светот излегла токму од оваа општина, но и тоа дека „OMCO“ секоја година вработува цело едно оделение металци. Фирмата е во сопственост на Белгијци, се работи во три смени, а вработените добиваат и 13-та плата. Просечната нето плата е 5.500 куни, нешто повеќе од 720 евра. Развиена општина, вработени граѓани, висок наталитет. Дури 60 деца се на листа на чекање за во градинка, се наведува во репортажата на HRT. Со силна индустрија, добар стандард, висок наталитет и скоро без невработени, Хум на Сутли представува вистинско хрватско чудо во вистинската смисла на зборот. К.К.