ОВА Е ВИНОВНИКОТ ЗА ГЛОБАЛНИОТ ПАД НА КОМПЈУТЕРСКИОТ СИСТЕМ: Сам се јави, а еве што вели

Добивај вести на Viber

Џорџ Курц, извршен директор на CrowdStrike, компанијата одговорна за огромниот ИТ неуспех што утрово предизвика проблеми ширум светот, објави соопштение за медиумите.

„CrowdStrike активно работи со своите клиенти кои се погодени од дефект откриен во ажурирањето на машините што работат на оперативниот систем Windows. Ова не влијаеше на компјутерите Mac и Linux и не станува збор за безбедносен инцидент или сајбер напад“, рече Курц.

„Проблемот е идентификуван, изолиран и издадовме безбедносна мерки. Ги упатуваме корисниците на порталот за поддршка, каде што можат да ги преземат најновите мерки. Ќе продолжиме да обезбедуваме пристап до најновите ажурирања“, рече тој.

„Понатаму, им препорачуваме на организациите да комуницираат со претставниците на CrowdStrike преку официјални канали. Нашиот тим е целосно мобилизиран за да обезбеди безбедност и стабилност на сите наши клиенти“, се вели во соопштението потпишано од извршниот директор на CrowdStrike.

Се повеќе институции и влади го обвинуваат CrowdStrike

Се поголем број влади и институции тврдат дека големиот технолошки неуспех што ги погоди компаниите и системите ширум светот не е хакерски напад и дека виновникот го наоѓаат во софтверот на компанијата за сајбер безбедност CrowdStrike.

Светските авиокомпании, аеродромите на најмалку четири континенти, здравствените системи, банките, телекомуникациите, медиумите и други компании, институции и организации денеска се соочуваат со потешкотии во работата поради голем дефект на компјутерот што ги урива нивните системи.

Австралиската влада, канцеларијата за сајбер безбедност на Швајцарија, Би-Би-Си и шефот на една украинска банка се меѓу оние кои веруваат дека Фалкон сензор, софтвер на фирмата за сајбер безбедност CrowdStrike, е причина за неуспехот.

Поправката ќе потрае

Грешка на американската компанија со седиште во Остин предизвикува паѓање на оперативниот систем на Мајкрософт Виндоус и прикажување на син екран, неформално познат како „синиот екран на смртта“, пренесува Ројтерс.

CrowdStrike го претставува својот софтвер Falcon како платформа „за спречување на упади со помош на унифицирани cloud технологии кои ги запираат сите видови напади – вклучително и малициозен софтвер и многу други“.

Светските медиуми пишуваат за начин како да се „заобиколи“ оваа грешка, која вклучува лоцирање и бришење на една датотека, но нагласуваат дека во многу случаи тоа нема да го реши проблемот веднаш, бидејќи во големите системи оваа акција мора да се повторува рачно сто пати, што бара повеќе часови работа.