ОВА ЗАЛАДУВАЊЕ Е ПОСЛЕДИЦА НА „ЛА НИЊА“: „Подгответе се за сѐ пониски температури и поостри и поснежни зими“

Добивај вести на Viber

Од вчера, па се до самиот крај на овој месец, речиси во цел Европски Континент, вклучувајќи го и нашиот Балкански Полуостров, не очекува невообичаено студено време и со чести врнежи од дожд и снег, како и формирање на снежна покривка. Мразот во утринските часови ќе го има на многу места, а појава на снег би можело да има понекаде и на помала надморска височина.

„Ние добро кажавме дека веќе од овој месец завршува влијанието на топлиот Метеоролошки феномен “Ел Нињо, и започнува ладната ” Ла Ниња”. Земјата полека се лади, вклучувајќи ја секако и Европа и Балканскиот Полуостров. Температурите ќе паѓаат, што значи дека во следните години треба да се подготвиме за се пониски температури, но и поостри и по снежни зими. Сепак тоа не значи дека не треба да очекуваме лето и високи температури, ќе го има летото тоа е многу нормално, но нема да биде како минатите лета и нема да биде екстремно топло. Следните лета ќе бидат исто така со не толку многу високи температури, но ќе има и повеќе врнежи “, вели Попоски.

Ваквото време според прогнозите се очекува да се задржи некаде до кај 25 април, по што ќе следува затоплување.

Што се однесува до велигденските и првомајските празници, засега прогнозите се дека времето ќе биде постудено и врнежливо.