Оваа земја масовно купува злато во прачки

Добивај вести на Viber

Се зголемуваат резервите со злато на Русија. 

Централната банка во земјата од скоро масовно купува злато во прачки. 

Според зборовите на аргентинскиот финансиски експерт, Габриел Рубинштајн таа политика има за цел да ја заштити руската економија во случај на следна кризна ситуација. Тука се мисли на американските манипулации со доларот. Централната банка на Русија значајно го зголемила темпото на откуп на злато. 

„Земјите го складираат златото од одбранбени и од стратешки причини. На пример во случај кога односите меѓу земјите се нарушени и нивната валута ја губи вредноста, добро е да се има злато, кое има вистинска вредност во споредба со другите финансиски средства. Русите сметаат дека е подобро да го имаат овој благороден метал отколку да поседуваат резерви во долари“- вели  Рубинштајн.

Во периодот од јануари до септември оваа година купила 4,2 милиони унци или околу 130 тони од тој метал во вкупна вредност од пет милијарди долари, што е за 15% повеќе во однос на истиот период лани. 

Инаку, Светскиот совет за злато (World Gold Council/WGC) во јуни објави нов попис на земји кои имаат најголеми златни резерви, а на првото место се Соединетите Американски Држави, со 8.133,5 тони.

На листата се наоѓаат 100 најбогати земји, а на второто место е Германија со 3.377,9 тони, додека на третото место се наоѓа Меѓународниот монетарен фонд со 2.814, 0 тони.

Помеѓу 10 најбогати се наоѓаат Италија, Франција, Кина, Русија, Швајцарија, Јапонија и Холандија.