Пациентите кои се позитивни на тестот за коронавирусот во Систина, ќе мора да се тестираат и во ИЈЗ
Објавено во: Македонија, Корона Вирус 02 Април, 2020
Задолжително треба сите пациенти кои
претходно се покажало дека се позитивни на коронавирусот, а кои тестовите ги
направиле во Систина, да направат тест за присуство на вирусот во Институтот за
јавно здравје, согласно одлуката на Комисијата за заразни болести во
министерството, соопшти Министерството за здравство.
Во соопштението на министерството за здравство се појаснува дека тестовите кои ги користи приватната клиника Систина се различен тип од тестовите на сите останати институции.
-Имено, тие тестови го детектираат присуството на антитела на вирусот Ковид-19, додека останатите тестови го детектираат директното присуство на самиот вирус. За позитивни се сметаат оние пациенти кои се позитивни на вирусот и исклучиво тие се водат и внесуваат во дневната статистика. Сите пациенти кои се детектираат како позитивни на тестовите на антитела кои ги прави Систина, задолжително треба да направат тест за присуство на вирусот во ИЈЗ, согласно одлуката на Комисијата за заразни болести во министерството, се наведува во соопштението од Министерството за здравство.