Добивај вести на Viber
Драматично се намалува трговската размена на земјава со странство. Државниот завод за статистика објави дека во првите девет месеци од годинава вкупната вредност на извозот на стоки од земјава изнесува 2 9 милијарди долари, што е 12,2% помалку од истиот период лани, додека вкупната вредност на увозот изнесува 4, 6 милијарди долари што е за 10,5% помалку од истиот период лани.
Најголем пад има во ставката извоз на минерални горива, мазива и сродни производи за дури 36,9% помалку од истиот период лани.
Кај увозот, најголем пад има кај ставката машини и транспортни уреди, и таму увозот е помал за 18,3%во споредба со лани. Значајни падови има и кај најголемата поединечна ставка „производи класирани според материјалот“ и тој пад изнесува 10,7% во споредба со истиот период лани.
Трговскиот дефицит, во периодот јануари-септември изнесува 1, 7 милијарди долари. Трговската размена по производи покажува дека во извозот најголемо е учеството на катализаторите, фероникелот, преработките од нафта, производите од железо и челик и облеката. Во увозот најмногу се застапени платина, суровата нафта, руди на никел и нивни концентрати и електричната енергија.
Според вкупниот обем на надворешно-трговската размена, Македонија најмногу тргува со Германија, Грција, Србија, Бугарија и Италија.