Пад на невработеноста за 0,7%

Добивај вести на Viber

Стапката на невработеност во третиот квартал од годинава изнесуваше 30,6 отсто, соопшти денеска Државниот завод за статистика. Според овие податоци невработеноста бележи пад во однос на претходниот квартал кога изнесуваше 31,3 отсто. Инаку, во првиот квартал од 2012-та, невработеноста изнесуваше 31,6 отсто, што значи дека во првите 9 месеци од годинава таа бележи пад од 1% отсто. Активното население во Република Македонија изнесува 940.657 лица, од кои вработени се 652.498 или 69,4 отсто а 288.159 лица се невработени, стои во соопштението на Државниот завод. Најголема невработеност има кај младите од 15-24 години и тоа 52,1 отсто, потоа кај лицата од 25-49 години – 25,9 отсто и потоа кај лицата од 50-64 години - 24,1 отсто. Во делот на образовната структура, во третото тримесечие од оваа година, 40 217 лица се невработени со високо образование, наспроти 121 129 со средно образование. Еве што уште покажува статистиката во делот на вработеноста според образованието на граѓаните во третото тромесечие за оваа година. ТАБЕЛА: Активно население според школската подготовка, однос вработени и невработени и активно население Извор: Државен завод за статистика