Пад на цената на нафтата поради силниот долар и грчката агонија
Објавено во: Економија 12 Јуни, 2015
Терминските цени на нафтата во текот на утринското тргување во Азија паднаа, како последица на јакнењето на доларот, но и растечката загриженост на инвеститорите во поглед на исходот од преговорите за грчката должничка криза, наведуваат аналитичарите.
Американската „лесна“ нафта (WTI) за испорака во јули поефтинила на Њујоршката берза 22 центи на 60,55 долари, додека нафтата од типот „брент“ за јулската испорака во Лондон поефтинила 16 центи, на 64,95 долари.
„Цените на нафтата паднале поради скокот на доларот спрема еврото и загриженоста околу грчката криза која ја намалила побарувачката за сировини“, се наведува во соопштението на сингапурската банка на Јунајтед оверсиз.
Еврото утрово паднало во Азија на 1,1255 долари од 1,1260 долари колку што синоќа вредел на Њујоршката берза.
Силниот долар прави нафтата изразена во таа валута да биде скапа за купувачите кои користат послаби валути.