ПАДНАА ЦЕНИТЕ НА НАФТАТА: Што да очекуваме годинава?
Објавено во: Економија 27 Јануари, 2025
Цените на нафтата на светските пазари минатата недела значително паднаа, по четири недели раст, откако американскиот претседател Доналд Трамп побара од ОПЕК да ги намали цените и истовремено најави зголемување на производството на нафта во САД.
Цената на барелот на лондонскиот пазар минатата недела падна за 2,8 отсто, на 78,50 долари, додека на американскиот пазар барелот поевтини за 4,1 отсто, на 74,66 долари.
Падот на цените во голема мера е резултат на коментарите на Трамп кој во своето обраќање пред учесниците на Светскиот економски форум во Давос, изјави дека побарал од ОПЕК да ја намали цената на нафтата за да им наштети на руските финансии и со тоа да ја притисне Русија да почне мировни преговори со Украина.
Трамп и претходно изјави дека неговата цел е да го зголеми домашното производство на нафта, а истовремено да го забрза издавањето дозволи за нови проекти. ОПЕК со години го намалува производството поради слабата побарувачка по кризата со коронавирусот, но картелот неодамна најави зголемување на производството.
Во такви околности, Меѓународната агенција за енергија (ИЕА) проценува дека понудата на нафта во 2025 година ќе се зголеми за 1,9 милиони барели дневно, дури и ако ОПЕК и неговите сојузници го одложат зголемувањето на производството до 2026 година, бидејќи независните производители предводени од САД ќе го зголемат производството.
Поради сето тоа, минатата недела цените на нафтата го забележаа првиот неделен пад годинава. Сепак, тие се уште се во пораст во однос на почетокот на годината – приближно шест проценти.
Можеби ќе ве интересира
ФАКТОР НА ДЕНОТ: Граѓаните во петок ќе ги бојкотираат маркетите по примерот на Хрватите
САЊА БОЖИНОВСКА: Чест ми е да го применам меѓународното искуство од работа во 20 држави во областа на енергетиката
ЕСМ: СДСМ непринципиелно бара АД ЕСМ да не почитува закони
Германските компании заинтересирани за инвестирање во зелени проекти во Македонија – средба Божиновска со германската стопанска комора АХК и заменик амбасадорот Фос
ХРВАТИТЕ ИМААТ НАЈЕВТИНО ОБРАБОТЛИВО ЗЕМЈИШТЕ ВО ЕУ: Во која држава нивите се најскапи?
ПОСТОИ ОПАСНОСТ ОД КОЛАПС: За 2,5 милиони работници во Германија се бараат за 8 отсто повисоки плати, или најмалку за 350 евра
Владеачката ВМРО-ДПМНЕ го поддржа бојкотот на маркетите
БИЛ ГЕЈТС ЈА ГРАДИ СВОЈАТА ПРВА НУКЛЕАРКА - доби одобрение од државата, а ќе се служи со една иновативна технологија
ДРЖАВА ВО ДРЖАВА: Пензискиот фонд си изгласал директор без одобрување од Владата
