Пакет законски измени најавија Јанакиевски и Трајановски

Добивај вести на Viber

Македонија ке стане лидер со измените во законот за градење со кои постапката за издавање на одобрение за градење ќе се води по електронски пат. Примената на оваа измена треба да стратува од  1 април и  на тој начин општините ќе издаваат дозволи по електронски пат односно ќе има отстранување на хартијата од оваа постапка. Министерството, во соработка со ЗЕЛС воспостави нов систем, со кој електронски, веднаш по завршувањето на јавното наддавање,  софтверот ќе го прими договорот и потоа електронски ќе ги следи сите обврски што произлегуваат согласно со Законот за градежно земјиште. Според министерот за транспорт и врски Јанакиески законот е работен по теркот на Сингапур која е прва земја во светот во делот на електронски одобренија за градење. Од ЗЕЛС пак истакнуваат дека новите законски решенија ќе ги поедностават процедурите и ќе им помогнат на општините да бидат поефикасни. Според претседателот на ЗЕЛС, Коце Трајановски со законот за јавна чистота пак ,е овозможено сите комунални редари на територијата на целата држава да имаат исти униформи, како дека тие ќе можат да ги легитимираат граѓаните што ја нарушуваат комуналната чистота, што со претходниот закон не беше овозможено. Додека со Законот за превоз во патниот сообраќај, се превидува заострување на санкции за сторителите на прекршоци, но вршењето дејност без лиценца се третира како кривично дело и предвидува трајно одземање  на возилото со кое се врши превозот.