Палмер пристигна, веќе ја оствари првата средба во Македонија
Објавено во: Македонија 22 Октомври, 2018
Заменик-помошникот државен секретар за европски прашања на САД, Метју Палмер, посетата на Македонија ја позчна уторово со средба со лидерот на ДУИ Али Ахмети.
Како што соопштија од ДУИ, на средбата се разгиварало околу последните политички случувања во земјата, спроведувањето на Договорот од Преспа, реформите како и Евроатланската интеграција, при што Ахмети ги потенцираше напорите за постигнување на потребната подршка во Собранието, истакнувајќи дека „петокот беше само почеток на повеќе месечниот процес за спроведување на Договорот од Преспа“.
-Земјата и регионот немаат друга алтернатива освен Евроатланската интеграција и усвојување на демократските западни стандарди, рекол Ахмети, се вели во партиското соопштение.
Палмер, како што е најавено ќе се сретне со премиерот Зоран Заев и со министерот за надворешни работи, Никола Димитров, како и со претставници на политичките партии.
Како што минатата недела објави Американската амбасада во Скопје, Палмер ќе разговара со македонскиот државен врв околу поддршката на САД за договорот од Преспа помеѓу Македонија и Грција, и важноста да се продолжи со реформската агенда на Македонија.
Палмер е во втора посета на земјава годинава. Заменик-помошникот државен секретар за европски прашања на САД, последен пат на средби со македонскиот државен врв беше во август годинава.