Панчо Минов ќе ја напушти пратеничката група на ВМРО-ДПМНЕ?
Објавено во: Македонија 22 Октомври, 2018
Пратеникот oд ГРОМ, Панчо Минов кој е во коалиција во опозициската ВМРО-ДПМНЕ, во неговото вечерашно гостување во емисијата Тренд анализа на ТВ 24 најави дека ќе го прекине неговото членување во пратеничката група на ВМРО-ДПМНЕ, ако е точна информацијата дека од партијата на вечерашната седница на Централниот комитетет разрешени се потпретседателот Митко Јанчев и членот на ИК Костадин Богданов.
„Доколку е точна информацијата, јас ќе го прекинам моето членување во пратеничката група на ВМРО-ДПМНЕ и ќе дејствувам само како пратеник на ГРОМ сѐ додека Христијан Мицкоски е претседател на паријата“ – изјави Минов.
Во секој момент се очекува и официјална потврда на вечерашните одлуки.