Панчо влезе во семејството на FLAIR

Добивај вести на Viber

“Задоволни сме што Панчо станува наш бренд амбасадор и што ги делиме заедничките вредности и филозофијата која е втемелена во слоганот на брендот - Feel The Move”, велат одговорните луѓе во FLAIR Македонија.

Владимир Блажев – Панчо од R&B дуото ДНК стана заштитно лице на FLAIR, интернационална марка за спортска облека, бренд кој што од пред извесен период е присутен и на македонскиот пазар. Формалното одбележување на приклучувањето на Панчо кон FLAIR семејството се одржа вчера вечер, во специјализираната продавница на овој бренд во скопски Капитол Мол.

- Панчо е лик кој што во целост соодветствува со филозофијата која што FLAIR ја промовира една деценија наназад, а тоа е проактивната политика на поддршка на физичката активност, рекреацијата и спортот, како рефлексија на забрзаното темпо на урбаниот живот. Токму тој урбан дух кој се изразува преку нашите парчиња спортска облека за мажи, жени и деца, за рекреативци, за активни спортисти, но и за луѓе кои преферираат полежерна, квалитетна и удобна облека во слободното време, придонесе за забрзаното темпо на развој на брендот во последните неколку години во земји од Европската Унија, во земји од регионот, но и во земји од азискиот континент. Задоволни сме што Панчо станува наш бренд амбасадор и што ги делиме заедничките вредности и филозофијата која е втемелена во слоганот “Почувствувај го движењето” (Feel The Move) – велат одговорните луѓе во FLAIR Македонија.

Панчо, познат по тоа што води исклучително активен живот – и кога се свирките и настапите во прашање, но и кога се говори за редовни секојдневни активности во фитнес клуб или на отворено, вели дека соработката со FLAIR дошла сосема случајно, по првото облечено парче од оваа марка. “Се препознав во слоганот, но ми се допадна непретенциозноста на парчињата спортска облека на FLAIR. Драго ми е што овој бренд е присутен и во Македонија и што заеднички ќе го промовираме тој активен урбан дух”, вели Панчо.

БрендотFLAIR е присутен во Македонија од пред една година, со отворањето на својата прва концепт продавница во Капитол Мол, во скопската населба Аеродром. Втората специјализирана продавница беше отворена во септември годинава, во ГТЦ во Скопје. Атрактивните понуди на парчиња спортска облека за сите генерации се наоѓаат на веб страницата на брендот www.flair.mk, како на Фесјбук www.facebook.com/flair.mk/. 

FLAIR е интернационална иновативна и брзорастечка компанија, основана во 2006 година. Брендот е инвестиција на германски претприемачи кои своето производство го имаат лоцирано во Бугарија и има изградено препознатлива традиција во производството на професионална облека за сите видови на индивидуални и колективни спортови на интернационалниот конкурентен пазар во Value-For-Money сегментот. Продажната мрежа на FLAIR најмногу е развиена во соседна Бугарија, каде што има дваесетина продажни места, лоцирани во главниот град Софија и во сите поголеми места во земјата. Продавниците на Флер можат да се најдат и во други европски и азиски земји, како што се Германија, Холандија, Австрија, Грција, Романија, Србија, Казахстан, Русија.