Пановски: Мерките немаат никаква врска со падот на бројките, сертификатите се беспредметни
Објавено во: Македонија, Корона Вирус 31 Август, 2021
Мерките немаат никаква врска со падот на бројките, сертификатите се беспредметни, изјави микробиологот д-р Никола Пановски за емисијата „Жешко политичко лето“.
За наставата вели дека не е сигурен што не чека, но веројатно по недела-две децата повторно ќе продолжат со онлајн настава, ако оди ситуацијата вака како што е сега.
„Мое искуство е дека помладите деца се подициплинирани, така да кај средношколците не знам колку ќе носат маска, особено кога ќе го нема наставникот. Сметам дека средношколците кои се 3-та и 4-та година веќе се имунизирани, затоа што имаа толку многу контакти во претходниот период, откако што ќе имаат во училиште“, потенцира Пановски.
Тој објаснува дека во средните училишта каде што има по 34 деца во клас, треба да имаме поделби на смени.Во Македонија со денови има висока бројка на починати од коронавирусот. Имаше и денови со 32 жртви.