Пановски вели дека релаксирањето на мерките ќе доведе до 1.000 случаи на коронавирусот дневно
Објавено во: Македонија, Корона Вирус 27 Октомври, 2021
Релаксирањето на мерките ќе предизвика раст на бројот на нови случаи на коронавирусот, вели за Телма, микробиологот Никола Пановски.
Според него, доколку потоа се реагира со дополнителни мерки тие ќе бидат задоцнети. Пановски очекува дека ќе имаме по 1.000 случаи дневно, и се надева дека бројката нема да оди повисоко од тоа.
„Кај нас кафаните и кафиќите и во вториот и во третиот бран беа местата каде народот природно се имунизираше. Меѓутоа, многумина од тие природно имунизирани не се меѓу нас или имаат теши последици. Според мене, мерките треба да се прават за да се спречи ширење. Треба да се вратиме на повторна кампања и за вакцина и за заштита. Луѓето заборавија да носат маски и навистина ова со рестораните и со свадбите во затворен простор, кафулиња“, рече Пановски.
Владата вчера на седница донесе нови мерки. Дозволено е организирање настани во затворен простор до 50 проценти исполнетост, а од 15 ноември за влез ќе бидат потребни две дози вакцини или потврда за прележан КОВИД-19 во последните 45 дена.