Пановски за вакцинација на прележаните: Министерот вика – нема зијан, jас кажувам дека тоа е штетно
Објавено во: Македонија, Корона Вирус 25 Август, 2021
Д-р Никола Пановски вели дека вакцинацијата на лица кои прележале коронавирус е залудна и само се трошат вакцини, наместо да се вакцинираат лицата кои не биле заразени и кои имаат потреба.
„Сите земји дозволуваат сертификат и по девет месеци, Швајцарија 12 месеци по прележување. Овде не знам, кој некој анонимен вика веднаш да се вакцинираат, задолжително по еден месец. Министерот вика – нема зијан. Јас кажувам дека тоа е штетно по здравјето, дека тие се имунизирани луѓе и дека треба да им се даде можност, ако сакаат нека се вакцинираат во првиот месец, меѓутоа треба да се вакцинираат во првите девет месеци како што е секаде во светот“, истакна Пановски во изјавата за ТВ21.
Во последните 24 часа се направени 6.458 тестирања, а регистрирани се 1.166 нови случаи на КОВИД-19.