Париз нема да посредува меѓу Скопје и Софија

Добивај вести на Viber

Франција нема да посредува меѓу Скопје и Софија. Земјата смета дека не е потребен посредник меѓу Македонија и Бугарија. 

Амбасадорот на Франција во земјава, Сирил Бомгартнер, вели дека во моментов меѓу двете земји исполнет е условот од политичка волја и капацитет за разговори, а она потребно е постигнување на договор. Она што Франција и другите европски држави можат да го направат околу македонско-бугарскиот спор е кога ќе биде постигнат договор поинтензивно да работат тоа да заврши со усвојување на преговарачката рамка за земјава. Бомгартнер за немањето конкретен датум за старт на преговорите за Македонија во рамки на приоритетите на неговата земја, појасни дека тоа е одраз на актуелната состојба. 

На 18 месецов, бугарскиот премиер Кирил Петков доаѓа во посета на Македонија. 

Министерот за правда, Бојан Маричиќ, најавената посета на бугарскиот премиер, Кирил Петков ја гледа како можност за воспоставување на нова динамика во преговорите со Бугарија. 

Прво Франција ја блокираше Македонија, и не дозволи старт на преговори со ЕУ за нашата земја и Албанија, а потоа блокираше Бугарија. 

Пред неколку месеци се спомена дека е можно Франција да посредува за надминување на македонско - бугарскиот спор.