Партиите кои имаат мнозинство денес го активираат планот Б

Добивај вести на Viber

Најверојатно е дека иницијативата да продолжи конститутивната седница на Собранието која беше прекината кога се верификуваа мандатите на пратениците, ќе биде поднесена утрово.

Дел од медиумите веќе повикувајќи се на партиски извори пишуваат дека партиите кои имаат  парламентарното мнозинство - СДСМ, ДУИ, Беса и Алијансата на Албанците утрово ќе ја достават иницијативата за продолжување на конститутивната седница на Собранието до претседавачот на првата седница Трајко Вељаноски

Рокови од кога Вељаноски треба да ја закаже седницата нема, но доколку Вељаноски се обиде да тактизира со закажувањето, не е исклучена можноста да се свика седницата и од најстариот пратеник во пратеник, во случајот Бранко Манојловски од ДУИ.

По правило седницата треба да се свика кога за тоа „ќе се создадат услови“.

Што се однесува до прашањето кој ќе биде идниот претседател на Собранието, како што пренесе ТВ 24 од СДСМ велат дека договор за претседател се уште нема, а дека амбиција да седнат на претседателското столче имаат и од кај нив, и од Беса, а според нив имаат два предлога и од ДУИ , од кои најсериозниот кандидат е Талат Џафери.

Да напоменеме и дека од владеачката партија рекоа дека нема да ја блокираат работата на Собранието но не ја исклучуваат можноста и од нивната пратеничка група да стигне предлог.

Како ќе се одвива ситуацијата останува да видиме денеска и во деновите што следуваат бидејќи на „гости“ доаѓа и еврокомесарот Јоханес Хан.