Патна карта на професионален тренинг: секој регион во Кралството Мароко ќе има град на професии и вештини

Добивај вести на Viber

Министерот за национално образование, професионална обука, високо образование и научно истражување, Саид Амзази на презентацијата на патната карта за развој на одделот за професионална обука, со кој претседава Кралот Мохамед VI, изјави дека ќе биде подигнат град на професии и вештини во секој регион во Кралството

Министерот појасни дека е планиран развој на мулти-секторски и мулти-функционални структури, кои што ќе претставуваат стратешки баланс за конкурентност и главен фактор за интеграција на младите во работната средина, а фокусот на обуки ќе биде во склад со спецификите и потенцијалот на секој регион. 

Во овој проект особен акцент ќе се стави на работните места на иднината, вклучително и дигиталните професии. Министерот понатаму појасни дека планираните простории ќе вклучуваат специфична структура, како центри за симулација и технолошки хали, сé со цел да се креира автентична професионална средина. Планирано е обуките за работните места поврзани со дигиталните професии да се обезбедат во дванаесет региони во Кралството Мароко, а оние поврзани со вештачката интелигенција ќе се нудат во регионите Рабат, Сале, Кентира и Казабланка Сетат. 

Согласно со кралските инструкции, овие нови центри ќе бидат во можност да ги прифаќаат и развиваат сите програми наменети за младите луѓе кои работат во неформалниот сектор, со цел да се зајакнат нивните вештини, особено во насока на јазиците, така што тие ќе можат да му се приклучат во иднина и на формалниот сектор.

Градовите на професиите и вештините ќе бидат отворени во септември 2021.