Патник си ја отворил вратата при полетување; Безбедна ли е авиокомпанијата Рајанер?

Добивај вести на Viber

Два инциденти од последните месеци со нискотарифната авиокомпанија Рајанер предизвикуваат загриженост за безбедноста на овие авиокомпании. Вчера, непосредно пред полетувањето на авионот на Рајанер од Пиза за Трапани во Италија, непознато е како, патник успеал да ја отвори вратата на авионот. Тој потоа застанал на крилото од авионот и успеал да скокне оттаму на патеката, каде бил спасен од пожарникарите предаден на екипата од брзата помош, пишува весникот „Кориере дела сера". Според медицински извори, мажот бил психички нестабилен. Сепак, останува прашањето како успеал да ги заобиколи мерките за безбедност?!? Многу тешка несреќа била избегната и на 23 септември со авион на истата компанија, кој летал од Манчестер за германскиот аеродром Меминген со 141 патници во авионот. Авионот за малку не се урнал при слетување поради преголема брзина, потсетуваат агенциите. Според првите податоци од истрагата за инцидентот, пилотите при програмирање на автоматскиот пилот погрешно ја ставиле висината и како резултат на тоа авионот почнала да паѓа со огромна брзина, на моменти со 1000 метри во минута. Во последен момент главниот пилот успеал да го крене носот на авионот, за да се избегне судир со земјата. Постојат сомневања освен тоа, дека за да надополни задоцнување 30 минути, пилотот одлучил се спушти на пистата во спротивна насока, што исто така ги зголемило безбедносни ризици. Засега ирската компанија молчи и не дава конкретни информации, но германската Управа за истрага за авионската несреќа го опишала овој инцидентот како крајно сериозен.