Пчеларите бараат повеќе субвенции и брендирање на македонскиот мед
Објавено во: Агробизнис 21 Септември, 2016
Пчеларската федералција на Македонија бара поголема државна поддршка и нова развојна стратегија која на секторот ќе му даде дополнителна шанса за успех. Тие бараат поголеми државни субвенции за производство на мед и медни производи, како и брендирање на македонскиот мед со што ќе имаат поголема шанса и за промоција и секако пласман на меѓународниот пазар бидејќи квалитетот го поседуваат.
- Скоро добивме информација дека во Штипскиот Регион се увезени речиси 40 тони мед, кои ја намалиле цената на 190 денари. Кај нас во големопродажба цената е над 250 денари за килограми, а бидејќи ова е слаба година останавме на заштитена цена од 350 денари - рече денеска на прес-конференција Јане Марков, претседател на Пчеларската федерација на Македонија.
Токму лошите временски услови доведоа до намалени приноси на мед и производството е со загуби, па мора да добијат поголема заштита и да се зголеми извозот, посочуваат од федерацијата која застапува интереси на околу 8000 пчелари.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
